Kwentong Katatawanan

Mga Kuwentong Katatawanan

Ang mga kuwentong katatawanan ay maaaring gawa-gawa lamang bilang mga kantiyaw, o kaya’y mga pangyayari sa pang-araw-araw na kapaligiran, na sa halip na takasan ang katotohanan o reyalidad nito, sa mga pabirong paraan ay nakukuhang tanggapin ng maluwag sa buhay.

Kwentong Kababalaghan

Mga Kuwentong Kababalaghan

Ito ay isa ring uri ng kuwentong bayan subalit ang kaibahan nito sa mga naunang nabanggit, ito’y sadyang likhang-isip lamang o mula sa makislot na guni-guni ng tagapagsalaysay. Ang kadalasang tema ng kuwentong ito ay tungkol sa mga kababalaghan gaya ng mga maligno, duwende, multo, tikbalang, aswang at iba pa. Kadalasan, walang naniniwala dito at karaniwang pinagkikibitang-balikat lamang ang mga kuwentong ito.

Noong araw, ginagamit na panakot ito ng matatanda sa mga anak nilang matitigas ang ulo. Sa panahon natin ngayong nabago nang lahat ang takbo ng buhay dahil sa pagunlad ng agham at teknolokiya, ang mga kuwentong ito ay napapakinggan na sa mga programa ng radyo, napapanood sa mga palabas sa telebisyon at pelikula at nababasa na rin sa mga komiks.

Ang Kwentong Bayan at ang Maikling Kwento

Ang kwentong bayan ay ang mga kwentong galing sa ating bayan. Ito ay mga kwentong napasalin-salin sa iba't ibang tao na napapatungkol sa kwento ng ating bayan. Galing pa ito sa mga nakakatanda hanggang napasalin sa mga henerasyon. Lahat ng bansa ay may sariling kwentong bayan. Ito ay isang anyo ng panitikan na pampalipas oras at kadalasa'y ikinukwento sa mga bata upang kapulutan ng aral. At ang kadalasang paksa ay mga bagay na nakapaninindig-balahibo tulad ng tungkol sa mga aswang, maligno, kapre, mga sirena at nuno sa punso.

Maikling Kwento
Ang maikling kuwento ay isang maiksing salaysay hinggil sa isang mahalagang pangyayaring kinasasangkutan ng isa o ilang tauhan at may iisang kakintalan o impresyon lamang. Isa itong masining na anyo ng panitikan. Tulad ng nobela at dula, isa rin itong paggagad ng realidad, kung ginagagad ang isang momento lamang o iyong isang madulang pangyayaring naganap sa buhay ng pangunahing tauhan. Si Edgar Allan Poe ang tinuturing na "Ama ng Maikling Kuwento."

Mga bahagi

Ang kasukdulan ang bahagi ng maikling kwentong nagbibigay ng pinakamasidhi o pinakamataas na kapananabikan o interes sa mambabasa. Ang kakintalan o impresyon naman ang kaisipang naiiwan sa isipan ng mga mambabasa. Matatapos basahin ang maikling kwento sa isang upuan lamang. Maaari itong magpakita ng iba't ibang damdamin at bumabase sa buhay-buhay ng isang tao. Bagaman mayroon namang kathang isip lamang. Umiinog ang maikling kwento sa mga pangyayari tungkol sa buhay ng mga pangunahing tauhan.

May siyam na uri ng maikling kuwento:

• Sa kwento ng tauhan inilalarawan an mga pangyayaring pangkaugalian ng mga tauhang nagsisiganap upang mabigyan ng kabuuan ang pag-unawa sa kanila ng isang mambabasa.
• Sa kwento ng katutubong kulay binibigyang-diin ang kapaligiran at mga pananamit ng mga tauhan, ang uri ng pamumuhay, at hanapbuhay ng mga tao sa nasabing pook.
• Sa'kwentong bayan nilalahad an mga kwentong pinag-uusapan sa kasalukuyan ng buong bayan.
• Sa kwento ng kababalaghan pinag-uusapan ang mga salaysaying hindi kapanipaniwala.
• Naglalaman ang kwento ng katatakutan ng mga pangyayaring kasindak-sindak.
• Sa kwento ng madulang pangyayari binibigyang diin ang kapanapanabik at mahahalagang pangyayari na nakapagpapaiba o nakapagbago sa tauhan.
• Sa kwento ng sikolohiko ipinadarama sa mga mambabasa ang damdamin ng isang tao sa harap ng isang pangyayari at kalagayan. Ito ang uri ng maikling kwentong bihirang isulat sapagkat may kahirapan ang paglalarawan ng kaisipan.
• Sa kwento ng pakikipagsapalaran, nasa balangkas ng pangyayari ang interes ng kwento.
• Nagbibigay-aliw at nagpapasaya naman sa mambabasa ang kwento ng katatawanan.

Ito ang mga bahagi at ng sangkap ng isang maikling kuwento:

Simula

Kabilang sa simula ang mga tauhan, tagpuan, at suliranin. Sa mga tauhan nalalaman kung sinu-sino ang magsisiganap sa kuwento at kung ano ang papel na gaganapan ng bawat isa. Maaaring bida, kontrabida o suportang tauhan. Sa tagpuan nakasaad ang lugar na pinangyayarihan ng mga aksyon o mga insidente, gayundin ang panahon kung kailan naganap ang kuwento. At ang bahagi ng suliranin ang siyang kababasahan ng problemang haharapin ng pangunahing tauhan.

Gitna

Binubuo ang gitna ng saglit na kasiglahan, tunggalian, at kasukdulan. Ang saglit na kasiglahan ang naglalahad ng panandaliang pagtatagpo ng mga tauhang masasangkot sa suliranin. Ang tunggalian naman ang bahaging kababasahan ng pakikitunggali o pakikipagsapalaran ng pangunahing tauhan laban sa mga suliraning kakaharapin, na minsa'y ang sarili, ang kapwa, o ang kalikasan. Samantalang, ang kasukdulan ang pinakamadulang bahagi kung saan makakamtan ng pangunahing tauhan ang katuparan o kasawian ng kanyang ipinaglalaban.

Wakas

Binubuo ang wakas ng kakalasan at katapusan. Ang kakalasan ang bahaging nagpapakita ng unti-unting pagbaba ng takbo ng kuwento mula sa maigting na pangyayari sa kasukdulan. At ang katapusan ang bahaging kababasahan ng magiging resolusyon ng kuwento. Maaring masaya o malungkot, pagkatalo o pagkapanalo.

Gayunpaman, may mga kuwento na hindi laging winawakasan sa pamamagitan ng dalawang huling nabanggit na mga sangkap. Kung minsan, hinahayaan ng may-akda na mabitin ang wakas ng kuwento para bayaang ang mambabasa ang humatol o magpasya kung ano, sa palagay nito, ang maaring kahinatnan ng kuwento.

Estratehiya sa Pagtuturo at Pagkatuto

Sa pagpapakitang turo ni Bb. Rebano, natutunan namin ang paggamit ng nursery rhymes o kantang pambata sa pagtuturo at paggamit ng estratehiyang problem solving. Ang paksa ng kanyang itinuro ay ang "Kakulangan ng tubig sa Pilipinas". Ginamit niya ang Jack and Jill, isang nursery rhyme, bilang teaching's tool na may kaugnayan naman sa paksang aralin. Pwede rin itong gamiting bilang paksang aralin. Sa estratehiyang problem solving, ipinapahayag ang mga isyu, kuru-kuro, pagsusuri sa mga datos at solusyon.

Ipinapahayag nito ang isyu sa mga karapatan, pagaabuso, at pagpapalaglag ng mga bata. Maaari rin itong iugnay sa paksa, ang kakulangan ng tubig. Bawat isa ay nagbigay ng opinyon kung anu-ano ang mga dahilan kung bakit nagkukulang ng tubig ang pilipinas. Pagkatapos, ibinigay rin ang mga dapat gawin upang di magkaroon ng kakulangan sa tubig.

Pagkatapos ng pagpapakitang turo, pinanuod at pinarinig sa amin ang ilang halimbawa ng nursery rhymes na tagalog tulad ng "Masaya kung Sama-sama", "Aregadegadeng", at "Manang Biday."

Booksale(aktivity)

Nov. 26, 2008

Tuwing huling Mirkules ng buwan ay nagkakaroon ng aktivity. Noong ika-26 ng nobyembre, ipinagdiriwang namin ang "National Book Week". Maraming aktivity ang naganap. Isa na dito ay ang "booksale" o pagbebenta ng mga libro ng education department(BEEd 2, BSEd 2, Beed 3). Bago nagsimula ang aktivity ng iba't ibang departmento, nagkaroon muna ng holymass na pinamunuan ni Padre Felix F. Barela, ang pare ng aming paaralan. Bukod sa pagkakaroon ng pagbobooksale, nagkaroon din ng exhibit ng mga nursery rhymes, mga literary works na ginawa ng mga bikolanong manunulat at nagkaroon ng literary contest gaya ng tigsik wrting, poster making, slogan contest, na ang tema ay "ang Batang palabasa ay Dalubhasa sa Kultura" at nandiyan rin Rawit Dawit. Nasiyahan naman kami sa pagdiriwang na ito dahil unang pagkakataon na gawin namin ang pagbebenta ng mga libro. Bawat row ay may inaatas na oras. Sa umaga, marami na ang bumibili ngunit nang magtagal hanggang sa hapon ay wala nang nakakapansin sa mga ito sapagkat ang lahat ng estudyante ay nasa Student's pavilion at nanunuod ng programa. Ganunpaman, masaya na rin kami dahil marami namang bumili ng mga libro. Nang kami na ang nagbabantay, naririnig namin ang hiyawan ng mga estudyante, nainggit tuloy kami. Masaya na rin kami dahil hindi lang kami kumikita, nakakatulong pa kami sa iba na hindi kayang bumili ng mahal na aklat. kahit luma na ang mga ito at ang iba ay sira sira na ang harapan nito, napakahalaga pa rin. Kapag palabasa ang tao ay maraming alam sapagkat sa pamamin nito. Sabi nga nila, " don't judge the book by it's cover". Hindi mahalaga ang itsura nito kundi ang nilalaman nito na kapupulutan ng aral at maaaring maging inspirasyon para maabot ang mga pangarap.
Mayroon ding dumayo para magbenta ng kanilang mga libro ngunit dahil sa masyadong mahal, ang may pera lang ang nakabili o mga guro.

Pagpapahalaga sa iba't ibang literatura

Paano mo maipapakita ang pagpapahalaga sa iba't ibang literatura?

Ang aming klase ay hinati sa apat na grupoi. Bawat grupo ay pumili ng literatura. (world lit. phil.lit., child. lit, bicol lit.). Ang aming grupo ay naatasan para sa literaturang bikol (bicol lit.)

Ayon sa aming napagusapan, ang mga paraan ng pagpapahalaga dito ay ang sumusunod:
1. sa pamamagitan ng pagtangkilik sa mga akdang bikol;

2. pagpapakilala ng salitang bikol at kultura sa iba't ibang lugar;

3. paggamit ng salitang sa patalastas sa telebisyon o radio;
4. pagsasadula ng mga akdang bikol;

5. paggamit o paggawa ng tula, kwento o awit gamit ang bikol;

6. pagdalo sa seminar o pagpapseminar. Yan ang mga paraan sa pagpapahalaga

ng literaturang Bikol.

Isang Trivia at commentaryo sa talakayan

Nov. 20, 2008
Isang trivia mula kay bb. Femia Calpe ay aming nalaman sa araw na ito.
ito'y tungkol sa piunakalumang simbahan o cathedral ng Rome. Ito ay ang Basilica of st. John Lateran. Ang simbahang ito ay tinawag na "ecumenical mother church" dahil ito'y pinakamatandang simbahan ng Rome.

Maiingay na naman ang aking mga kaklase... hindi tuloy kami magkaintindihan at hindi ko maintindihan ang sinasabi ng aming guro. pinagusapan namin ang tungkol sa aktiviting gaganapin sa mirkules... inatasan ang bawat row sa gagawing booksale. Napakagulo ng aming klase... sabi nga ng iba kami ang pinakamaingay sa lahat. Ngunit ako, sumasakit ang aking tinga kapag maiingay sila at hindi ako makapagisip ng maayos..